Առաջին աշխատանքս բարեհաջող ավարտելուց հետո՝ պատրաստել էի մատանի, այժմ սկսել եմ իմ երկրորդ նախագծի՝ շնաձուկ կախազարդի պատրաստումը։ Առաջին փուլում նկարեցի պատկերը՝շնաձուկը, մի քանի ագամ շտկումներ անելուց հետո էսքիզը հավանեց Վարպետ Դավիթն ու ասաց,որ կարող եմ արդեն մոդելային պլաստիլինով ստանալ պատկերը, այն անելուց հետո անցա մոդելային մոմին,իսկ հետո ձուլվեց իմ շնաձուկը։ Հետո արդեն սկսեցի խառտոցի օգնությամբ մաքրել ձուլաձողի հետքերը,հետո արդեն բոռ մեքենայի օգնությամբ աշխատեցի։
Ինչպես բոլոր գիշերային կյանք վարող կենդանիների մոտ, այնպես էլ կատվի աչքերի վերևի մակերևույթին կա փայլուն շերտ: Այն շատ նման է հայելու, որն արտացոլում է ընկնող լույսը: Այս արտացոլված լույսը նորից ընկնում է լուսադիտակների վրա: Դրա շնորհիվ գիշերային կենդանիները լավ են տեսնում մթնշաղին: Դրա համար էլ կատուների աչքերը տեսնում են անգամ ամենաթույլ լույսը: Բայց կատարյալ մթության մեջ կատվի աչքերը լույս չեն տալիս, որովհետև նրանք արտացոլելու ոչինչ չունեն: Այդ ֆունկցիան կարող է նկատվել նաև ուրիշ կենդանիների և մարդկանց մոտ, եթե նրանց աչքերին ուղղենք ուժեղ լույսի աղբյուր: Դրանով է հենց բացատրվում նկարներում «կարմիր աչքերի» էֆեկտը, որոնք արվել են վառ լուսավորումով:
Կենդանիները, բույսերի նման, շատ բազմազան են: Նրանք տարբերվում են չափերով, կան շատ մեծ կենդանիներ, հսկաներ ե փոքր կենդանիներ՝ անզեն աչքով անտեսանելի: Հսկաներից է ծովերում և օվկիանոսներում ապրող կապույտ կետը, որի մարմնի երկարությունր կարող է հասնել 33 մետրի, իսկ զանգվածր՝ 150 տոննայի:
Կենդանիները միմյանցից տարբերվում են արտաքին տեսքով, մարմնի ձևով և մասերով, ծածկույթով, դրա գունավորմամբ, շարժումներով, վարքով կամ կենսակերպով և այլն:
Դիտելով՝ չեք շփոթի անձրևորդը, սենյակային ճանճը, մեղուն, թիթեռը, այս կամ այն ձուկը, գորտը, թռչունը, շունն ու կատուն: Նրանք ունեն այնքան շատ և հստակ տարբերություններ, որ նույնիսկ արտաքին տեսքով հեշտությամբ միմյանցից տարբերվում են: Կենդանիներն ունեն նաև տարբեր ներքին կառուցվածք:
Կենդանիների մի մասն ապրում է ջրում, մյուսը՝ ցամաքում: Հայտնի են հողում ապրող կենդանիներ: Կան կենդանիներ, որոնք վարում են օդային կենսակերպ, թռչում են կամ ապրում մեծ բարձրություններում: Կան նաև այնպիսիները, որոնք ապրում են մյուս կենդանի օրգանիզմներում՝ բույսերում կամ կենդանիներում, մարդու օրգանիզմում: Տարբեր միջավայրերում ապրելու և զարգանալու, սնվելու կամ բազմանալու համար կենդանիներն ունեն հարմարանքներ:
Կարելի է ասել, որ կենդանիների բազմազանությունը պայմանավորված է այն տարբեր միջավայրերով, որտեղ նրանք ապրում են: Որոշակի տարածքում ապրող կենդանիների բազմազան խմբերը միասին անվանում են ֆաունա:
Հայաստանի ֆաունան հարուստ է: Հայաստանում մեծ է կենդանիների բազմազանությունը, քանի որ մեր տարածքում կան բարձր սարեր և անմատչելի լեռներ, դաշտավայրեր և բացատներ, գեղեցիկ լճակներ, սառնորակ աղբյուրներ և ջրվեժներով գետակներ և այլ հատվածներ: Դրանք միմյանցից շատ են տարբերվում, յուրաքանչյուր տարածքին բնորոշ են իր պայմանները: Կենդանիներն էլ ունեն իրենց ապրելու տարբեր պայմանները։
Կենդանիների աշխարհն անկրկնելի է:
Հարցեր և առաջադրանքներ
1․Կենդանիների միջև ի՞նչ տարբերություններ կան: Բերեք օրինակներ:
Մի քանիսը մեծ են, մի քանիսը փոքր։ Իրարից տարբերվում են կենդանիներն արտաքին տեսքով, մարմնի ձևով և մասերով, ծածկույթով, դրա գունավորմամբ, շարժումներով, վարքով կամ կենսակերպով և այլն:
2․Ինչո՞վ է պայմանավորված կենդանիների բազմազանությունը:
իրենց ապրելակերպով։
3․Ի՞նչ է ֆաունան:
Դա կենդանական խումբ է։ Որոշակի տարածքում ապրող կենդանիների բազմազան խմբերը միասին անվանում են ֆաունա:
4․Գիտե՞ք, թե որ կենդանիներն են տալիս ձու, բուրդ, կաթ, միս:
Ոչխարը,կովը,ուղտը,այծը։